You are here > News > Wednesday News

Last Updated: 8.9.2010

ENGLISH | SWAHILI | SPORTS

Phiri: Hebu mwacheni Humoud

KOCHA wa Simba, Patrick Phiri amewataka mashabiki wa klabu hiyo kuacha kumsakama mchezaji wake Abdulhalim Humoud kwa kuwa bado hajazoea mfumo wa timu hiyo.

Phiri alimtetea mchezaji huyo ambaye mwishoni mwa wiki alishindwa kuonyesha cheche zake na badala yake alijikuta akiboronga uwanjani kitendo ambacho kilimfanya kocha huyo raia wa Zambia kumuondoa mapema na kumuingiza Jerry Santo.

Kufuatilia hali hiyo, Humoud alijikuta kwenye wakati mgumu kutoka kwa mashabiki ambao walimtusi na kumtolea maneno ya kejeli, huku wengine wakimzomea na kumdhihaki kwa kuachwa kwake timu ya taifa kitendo ambacho kilimpandisha jazba ambayo alishindwa kujizuia na kuanza kujibu mashambulizi kwa kutoa na yeye lugha chafu kwa mashabiki.

Mchezaji huyo nusura azikunje na mmoja wa mashabiki, lakini aliamuliwa na wachezaji wenzake, huku akizomewa na mashabiki.

Katika mchezo huo wa Simba na Gor Mahia ulichezwa kwenye uwanja wa taifa, Simba ilipokea kipigo cha mabao 3-1 kitu ambacho kilipelekea Mzambia huyo kubadilisha karibu kikosi chote ili kukabilina na wekenya hao.

Lakini Phiri alimtetea Humoud na kusema "ni mchezaji mzuri sana tatizo ni huu mfumo wetu hajauzoea, unajua kila timu ina mfumo wake, mpeni muda taratibu atazoeana.

Simba yaifuata Azam, Yanga kujinoa na AFC Leopard

BAADA ya wiki mbili za mapumziko kwa ajili ya maandalizi ya mechi ya timu ya taifa 'Taifa Stars' dhidi ya Algeria wachezaji wa Azam, Simba na Yanga mwishoni mwa wiki wanarejea upya kwenye mikiki ya Ligi Kuu Tanzania bara.

Mabingwa watetezi Simba iliondoka jijini Dar es Salaam jana kuelekea Tanga watapokuwa na kibarua kigumu dhidi ya ndugu zao Azam FC wenye malengo ya kutaka kutwaa ubingwa msimu huu.

Huku washindi wa pili wa msimu uliopita Yanga leo watakuwa safarini kuelekea Arusha tayari kwa kuivaa AFC Leopard ya Kenya kabla mchezo wa ligi dhidi AFC Arusha ya huko.

Simba iliyoanza msimu kwa ushindi wa mabao 2-0 dhidi ya African Lyon iliondoka bila ya kipa wake tegemeo Juma Kaseja aliyepewa siku 14 za mapumziko kuendelea kuuguza mkono wake na Hilary Echesa anayesumbuliwa na goti. Hata hivyo kocha wa Simba, Patric Phiri alisema kabla ya kuanza safari hiyo kuwa ana wachezaji wengi wenye uwezo wa kuziba mapengo yote na kuhakikisha anapata ushindi na kurudi kileleni mwa ligi. Naye kocha wa Yanga, Kostadic Papic alisema kuwa wachezaji wake wote wapo katika hali nzuri akiwemo kiungo Kigi Makasi ambaye ameanza mazoezi baada ya kuwa majeruhi kwa muda mrefu akisubuliwa na matatizo ya moyo. Papic ambaye kikosi chake kilianza ligi kwa ushindi mwembamba wa bao 1-0 dhidi ya timu ya Polisi Tanzania iliyopanda daraja msimu huu, alisema anakwenda Arusha kwa lengo la kuchukua pointi tatu si vinginevyo. "Tupo vizuri kwa mchezo wa Jumamosi na jambo la kushukuru hakuna majeruhi hata Kigi aliyekuwa nje kwa muda anaendelea vizuri,"alisema Papic Papic pia alitetea uamuzi wake wa kutocheza pambano la kirafiki dhidi ya Gor Mahia ya Kenya na kusema sababu kubwa ilitokana na kuchelewa kwa taarifa za kuwaomba kucheza mchezo huo. "Hakuna sababu zozote za kiufundi zilizosababisha tusicheze na Gor Mahia isipokuwa na kwamba walichelewa kutupa taarifa na sisi tusingeweza kucheza katika hali ile,"alisema Papic. Hata hivyo; Yanga kesho inataraji kucheza mechi ya kirafiki na wapinzani wa jadi wa Gor Mahia timu ya AFC Leopard kwenye Uwanja wa Sheikh Amri Abeid jijini Arusha. Akizungumza mchezo huo mratibu George Wakuganda kutoka kampuni ya C x C ya jijini Dar es salaam alisema ya kuwa lengo kuu la mchezo huo ni kutoa burudani kwa wakazi wa Arusha na vitongoji vyake baada ya kukosa mechi za aina hiyo kwa kipindi kirefu. Wakuganda alisema katika mechi hiyo Yanga itawatumia wachezaji wake wapya wakiwemo ni Ernest Boakye, Isaac Boakye,Yaw Berko na Msebia Ivan Kzenevic. "Mchezo huo unategemewa kuwa na ushindani mkubwa kwa timu zote kwa sababu Leopard itataka kuendeleza rekodi ya ushindi wa timu za Kenya kwa Tanzania kama ilivyokuwa kwa Gor Mahia kuichapaSimba mabao 3-1 hivi karibuni. Viingilio katika mchezo huo vitakuwa ni shilingi 10,000 na 3000 na kuwataka wakazi wa Arusha kujitokeza kwa wingi kushudia mchezo huo. Kwa upande mwingine kocha wa AFC, Madaraka Bendera aliiambia Mwananchi kwa simu kutoka Arusha kuwa kikosi chake kimejiimarisha tayari kwa kuidhalilisha Yanga Jumamosi. "Nafikiri tulifungwa kutokana na wachezaji wengi kuwa wageni katika ligi ukiangalia mpira hatukuzidiwa isipokuwa wenzetu walionyesha ukomavu, lakini nimefanya marekebisho na naamini tutashinda,"alisema Bendera.

Make Comments About this Article click here